Det var Eldrid Robberstad som skapte denne bunaden. Den blei satt i produksjon i 1958. Bunaden er ikkje kopiert direkte etter gamle plagg, og regnas derfor som ein nokså fri komposisjon.

Det er den kvite steglatrøya som er utgangspunkt for bunaden, men det er det særprega broderiet med det stilisera rosemønsteret på vesten som knytter denne bunaden til folkedrakttradisjonen. Steglatrøya blei bruka i fleire delar av landet tidleg på 1800-talet, med ulike lokale variasjonar.

Til denne bunaden brukar ein blå vest med rosesaum i raudt, kort eller lang bukse i svart vadmel, kvit skjorte med kvitsaum eller farga broderi, kvite knestrømper med strømpeband til kortbuksa, halsknapp eller halsring og mansjettar i armane, svarte sko og svart hatt.